Наесен се случуваат убави работи во “фотографска“ Македонија. Тукушто стокмивме фотографии за повторно оживеаната PHOTOMEDIA, со мало задоцнување пристигна и конкурсот за ДЕНОВИ НА МАКЕДОНСКАТА ФОТОГРАФИЈА - КУМАНОВО 2008, ете ти го Македонскиот центар за фотографија и најновиот фотоклуб во Македонија ФОТОГРАФИКА кои заедно со Американската Амбасада во Македонија (каков удав од вовед е ова?)- со најквалитетната и најинспиративната фото-дешавка. ФОТО САФАРИ - МАКЕДОНИЈА 2008 под менторство и very, very вклученост на никој друг туку SARAH LEEN, фото едитор во легендарниот NATIONAL GEOGRAPHIC MAGAZINE.

Сега за сега ќе ги прескокнам деталите, а Вас Ве поканувам на Изложбата на фотографии снимени на тоа Фото сафари од фотографите на ФОТОГРАФИКА и Чкрап!. Ах, да. Имаше и неколку freelancer-и. Изложбата ќе биде отворена во четврток, на 25 септември 2008 година во Мала станица - Скопје во 20.00 часот, (каде што е сместен и Македонскиот центар за фотографија).

Едно големо БРАВО за Сара Лин (NGM), Роберт Јанкулоски (Македонски центар за фотографија) и Игор Спироски (претседател на ФОТОГРАФИКА), кои на 40-ина (главно) млади фотографи им пружија единствена прилика да фотографираат низ Македонија, да учат од мајсторите на фотографијата, да се дружат, да се разочараат колку смет (ѓубре) има на секоја педа од оваа наша мала и загадена Македонија... И што сакате повеќе...

А, за тоа како си поминавме на сафарито, во наредниот пост по изложбата.

© Chkrap!*2008