На 4 февруари 2010 (четврток), во Македонскиот центар за фотографија ќе започне да се спроведува курсот СТУДИСКА ФОТОГРАФИЈА (table top).
Курсот опфаќа интензивна работа (20 работни часа распоредени во четири дена) а го спроведува проф. Ѓорѓе Одановиќ од Србија.



За заинтересираните фотографи еве повеќе детали:

КУРС ЗА СТУДИСКА ФОТОГРАФИЈА

Снимање предмети (мртва природа)

Напредно ниво

Место: Македонски центар за фотографија

Времетраење: 4. – 7. февруари 2010 (четврток – недела)

Распоред на часови: 4.02.2010 (чеврток) 19:00 – 22:00, вкупно 3часа

5.02.2010 (петок) 17:00 – 22:00, вкупно 5часа

6.02.2010 (сабота) 9:00 – 12:00 и 18:00 – 22:00, вкупно 7 часа

7.02.2010 (недела) 9:00 -14:00, вкупно 5 часа

Обучувач: Ѓорѓе Одановиќ

Цена: 4900 денари (во цената се вклучени 20 работни часа, трошоци за

материјали и опрема за работа во студио)

Услови за пријавување: Самостојно ракување со дигитален SLR апарат и основни

познавања на студиско светло

Рок за пријавување: 1. февруари 2010

Контакт: Лидија Пајевиќ, 071 309 993

Курсот има за цел да им овозможи на учесниците стекнување на продлабочени знаења и вештини за студиска фотографија (table top) преку обработка на теоретски содржини и практични вежби. Курсот ќе опфати:

1. Теоретски дел: третманот на мртвата природа во сликарството и старата фотографија низ историјата; проблеми со осветлување и аналиэа на ликовни дела од историјата на сликарството и фотографијата; мртвата природа во современата фотографија. Преку овие сесии слушателите ги осоэнаваат принципите на компоэиција и начини на осветлување на раэлични материјали.

2. Практичен дел: слушателите работат со високо професионална студиска опрема и имаат ретка можност покрај снимањето со дигитална камера да фотографираат и со големоформатна студиска камера (Sinar F2, 4x5inch; B&W film), професионално флеш светло (Elinchrom) како и раэлични додатоци. Ќе се фотографираат предмети од различни материјали (стакло, метал, порцелан) а секој слушател по свој иэбор ќе фотографира компоэиција која сам ќе ја аранжира. Покрај индивидуалната работа студентите ќе учествуваат и во групни вежби. После секое снимање следува аналиэа на снимениот материјал, корекции на фотографиите и припрема на фотографиите эа печат. На крајот на курсот се организира изложба на најуспешните фотографии.

Сите учесници добиваат сертификат за учество на курсот.

Кратка биографија за обучувачот

Ѓорѓе Одановиќ (роден 1956) е фотограф и професор на Факултетот за ликовни уметности во Нови Сад, Србија. Ги завршил своите дипломски студии на Факултетот за применети уметности, Белград, Србија. Денес ги води основните и постдипломските студии за фотографија на Академијата за уметности, Нови Сад. Неговите дела се наоѓаат во приватни и државни колекции во Србија (Музеј на современа уметност, Белград) и во странство (Франција). Има организирано неколку студентски изложби. Престојувал во Париз 1986 и 1990 на Cite International De s Arts. Одржал четиринаесет самостојни изложби. Учествувал во Надворешен проект 2005/2006. Одржал фото-работилница во Скопје 2007. Од поважните интернационални изложби ги вклучуваме: Колоњ, Париз, Вервиерс (Белгија), Лима (Перу), Плевен (Бугарија), Солун (Грција), Братислава (Словачка). Неговата работа е наградувана повеќепати.

___________________________________________________________

Македонски центар за фотографија
ул. Железничка 18 (Мала станица)
Тел. 071 309993
e-mail. makcentarfoto@gmail.com

***

Фотографи! Вие сте на потег!
© Chkrap!*2010

Место на случување: Тетово
Датум: 2 јануари 2010 година
Лица: Младите (загрозени) тетовчани и Дедо Мраз
Повод: Дарување тегли со чист воздух
Причина: Труењето на тетовчани со чадот од дивата депонија
Чкрап!: Тренирање фотожурнализам









Тетово, градот под Шара, веќе подолго време се гуши во ужасна смрдеа што се шири од дивата депонија за смет што се наоѓа на железничката станица, на само 50-ина метри од првите градски куќи.
Канцерогените материи секојдневно ги вдишуваат тетовчани и се изложуваат на големи здравствени ризици. Иако постои начин да се реши овој проблем, тоа до сега (јануари 2010 година) не е сторено. Депонијата е се поголема, а надлежните сега за сега не преземаат ништо... Данокот во зголемен број заболени од рак за наплата ќе стаса веќе по неколку години... На 2 јануари 2010 година, Дедо Мраз на граѓаните на Тетово им делеше подароци - чист воздух во тегла...

Среќна Нова 2010!
Повеќе овде.

Една недела подоцна. Проблемот се уште не е решен. Тетово и тетовчани се дават во смрдеа... Неформалната група граѓани наречена “Совесни и свесни граѓани“ по врнежливо време пак протестираа. Но сега во многу поголем број од пред една недела, со свирење и чукање, на “маршот“ од градскиот плоштад до железничката станица (во моментов дивата депонија), го изразија своето незадоволство од решавањето на овој голем проблем. Од надлежните - само ветување дека наскоро (?) ќе се реши проблемот со сметот и дивата депонија...











Повеќе овде!

Мојот мал Nikon D40 го издржа силниот дожд, а јас неподносливата смрдеа.
Тешка е оваа фоторепортерска работа. Во следниот пост се враќам со порелаксирани теми!
Драги Неделчевски*2010

© Chkrap!*2010

Еве еден краток фото рапорт од ФОТОГРАФИИ 2009...



Пред отворањето на изложбта, фотографите од “Чкрап!“ со фотографија долга 2,5 метри (фото - Игор Ѓорѓевски), и маски на лицето, го изразија својот протест против немилосрдното труење на граѓаните на Тетово од чадот и неподносливата смрдеа што се шири од дивата депонија на железничката станица... на само 50-на метри од првите куќи од градот.



13 фотографи од клубот се претставија со вкупно 43 фотографии. Тоа беа најуспешните фотографии од годишнава продукција кои освоија многу награди на конкурсите во Македонија и надвор од неа.

“Чкрап!“ има своја публика која и овојпат дојде во голем број да ги види нашите "The Best of..." фотографии.

На ЦБЦ ЛОЈА и на публиката им благодариме за подршката.
Секако и на нашите драги колеги од “ЕЛЕМА“, Фото групата “Пиколомини“ од Скопје и
“Козјак 50“ од Куманово кои го увеличаа овој празник на фотографијата...









ОК. Сега еве неколку фотографии од изложбата.


Александар Стојановски - Цули


Борче Сиљјаноски


Давор Спасоски


Дарко Наумоски


Драги Неделчевски


Елена Трпчевска


Мирче Новаковски


Ѓорѓи Ристоски


Игор Ѓорѓевски


Гоце Димитриевски


Андреа Ѓорѓески


Самир Љума


Зоран Андонов

Еве го и прилогот од ТВ Менада од Тетово за изложбата...




© Chkrap! * 2009

На 15-ти декември 2009 година (вторник), во 18.30 часот, во Центарот за балканска соработка ЛОЈА од Тетово, ќе биде отворена традиционалната годишна изложба на фотографии на членовите на Фотокино клубот “Чкрап!“ од Тетово. На оваа, шеста по ред изложба, ќе се претстават 13 фотографи од “Чкрап!“ со околу 60-ина фотографии.

Ги покануваме сите вљубеници во фотографијата да дојдат на нашата изложба, да уживаат во фотографиите, да се сретнат со своите колеги и пријатели и да заминат побогати со уште едно прекрасно визуелно искуство...



Повелете, Ве чекаме!



© Chkrap! * 2009

На 5-ти декември 2009 година во Уметничката галерија во Куманово во организација на ФКК “Козјак 50“ од Куманово беше отворена “4-та Изложба на уметничка фотографија“ Фото салон Куманово 2009, под патронат на FIAP, PSA и Фото сојузот на Македонија.

Тричленото жири во состав: Боро Рудиќ, Раша Милојевиќ и Цветан Гавровски одбра 154 фотографии од пристигнатите 810 фотографии на Конкурсот со слободна тема (FIAP) и тема “Природа“ (PSA).

Беа доделени медали и дипломи за поединечна фотографија и за колекции, како и специјални награди.

Првата награда за најдобра фотографија или Best LIFE Photo „Живко Јаневски“, ја доби Глигор Максимовски од Македонија

За слободната тема беа наградени следните автори:
Првата награда (FIAP златен медал) за фотографија ја доби Виктор Кукош од Франција
Втората награда (FIAP сребрен медал) за фотографија ја доби Лусјен Вијкманс од Белгија

Третата награда (FIAP бронзен медал) за фотографија ја доби Владимир Арсовски од Македонија
Првата награда (FIAP златен медал) за колекција ја доби Сања Николиќ од Македонија

Втората награда (FIAP сребрен медал) за колекција ја доби Марк Аперс од Белгија

Третата награда (FIAP бронзен медал) за колекција ја доби Драги Неделчевски од Македонија

За темата “Природа“ беа наградени следниве автори:

PSA златен медал: Драго Метљак од Словенија
PSA сребрен медал: Филип Кван од Канада
PSA бронзен медал: Кит Вир Греган од Англија

За бројот на авторите, бројот на фотографиите како и за имињата на наградените, детално можете да се информирате ТУКА.

Изложбата беше одлично организирана, добро посетена и беше вистински празник на фотографијата. Браво за кумановци! Се гледаме следната година на ФОТО САЛОН Куманово 2010!

© Chkrap! * 2009