Foto Kino Klub TETOVO - Photo Cinema Club TETOVO - FKK TETOVO - Chkrap



Фото група „Чкрап!“ Тетово, 31.08.2013

links to this post 0 comments













Ние, членовите на Фото групата „Чкрап!“ од Тетово, се сретнавме на кратко последниот ден од август 2013-та година. Иако секојдневно сме заедно, се дружиме, фотографираме, постираме и изложуваме фотографии, разменуваме размислувања и линкови за фотографијата... имаше неколку важни теми за кои требаше да поразговараме (малку) посериозно. Една од поважните теми беше организацијата на годинешнава изложба на фотографии. Имавме чест, гостин на средбата да биде Александар Кондев, стар волк, фотограф и едукатор, член на ИО на Фото Сојузот на Македонија и пријател на „Чкрап!“.

Оваа година „Чкрап!“ обележува 10 година од своето постоење. Во меѓувреме низ него поминаа преку 70 луѓе, фотографи или оние кои мислеа дека сакаат да бидат тоа, како и многу љубители на фотографијата. Јадрото на „Чкрап!“ брои околу 15-ина активни членови. Досега во Тетово беа организирани 10 групни (клупски) изложби на кои ибеа изложени преку 500 фотографии. Тие беа посетени од преку 1000 посетители. Некои членови имаа и неколку самостојни изложби на фотографии. Многу од нив учествуваа(т) на разни Фото конкурси и изложуваат на домашни и меѓународни изложби. Понекогаш и добиваат награди за тоа. Оваа година на Деновите на македонската фотографија во Скопје, тројца членови од „Чкрап!“ беа наградени. Сето ова го прават за свое задоволство, но очигледно е дека тоа им се допаѓа и на луѓето кои, едноставно, ја сакаат фотографијата. И тоа е добро.
На некои фотографијата им стана занимање и сега живеат од неа. Некои и понатаму фотографијата ја работаат аматерски, за ќеиф...

Годинава решивме изложбата на фотографии на „Чкрап!“ да ја направиме во октомври месец, со подршка на НУ Музеј на тетовскиот крај - Тетово и Фото Сојузот на Македонија, а по повод 11 Октомври, денот на востанието на Македонија против фашистичката окупација. Изложбата ќе биде отворена на 10 октомври 2013 година во 19.00 часот во НУ Музеј на тетовскиот крај - Тетово.
Наредниов период ќе следат дополнителни информации...

© Chkrap! * 2013








На 24 јули 2013 во 20 ч. во Кинотека на Македонија беше отворена изложба на 20 фотографии од Франс Велтерс, фотограф од Холандија.
На 25 јули 2013 во 21 ч. во галеријата на МАНУ беше отворена изложба на 35 фотографии од Томислав Петернек, фотограф од Србија.
Двајцата автори пред македонската публика се претставија со фотографии кои го документираат животот во Скопје кога градот беше разорен од катастрофалниот земјотрес во 1963.
Изложбите беа дел од проектот „Фотографијата – сведок или жртва“ кој го реализира Македонскиот центар за фотографија со финансиска поддршка на Амбасадата на Кралството Холандија и Европската унија.
Томислав Петернек е еден од најпознатите фотографи од Србија. Се занимава со новинска, применета, рекламна, модна и подводна фотографија. Бил долгогодишен уредник на фотографија во НИН и акредитиран дописник при Министерството за информирање на Југославија од значајни фото агенции: Reuters, Eastlight, Contrast, UNICEF, Sygma. Од 1993 работи како слободен уметник. Добитник е на многу домашни и меѓународни признанија. Живее и работи во Белград.
Франс Велтерс е истакнат фотограф од Холандија. Со фотографија започнува да се занимава во 60-те години на минатиот век. Фотографиите од земјотресот во Скопје биле објавени во повеќе медиуми во Холандија (Het limburgs dagblad, Vrijevolk, Foto, Volkskrant) и битно влијаеле на неговиот понатамошен професионален успех. Бил долгогодишен професор по фотографија и добитник на повеќе домашни и меѓународни признанија. Во моментов се снима документарен филм за наговиот живот и работа.

Извор: Македонски центар за фотографија.
© Chkrap!*2013


За нас

Последни постови

Архива

Фотографија

Македонија

Relax


ATOM 0.3


check out the Chkrap! swicki at eurekster.com Stumble It!