Почитувани колеги, членови на ФКК „Чкрап", пријатели на фотографијата и уметноста,

Во рамките на активностите на ФКК „Чкрап" од Тетово и во негова организација, задоволство ми е да ве поканам на работилницата насловена „Colour Management - за фотографи", тема која верувам ќе го побуди Вашиот интерес поради секојдневното среќавање со овој термин и главно магловитото поимање за него.
Работилницата е замислена како двочасовно пладневно дружење каде во релаксирана атмосфера ќе одржам предавање во два дела со практичен дел, примена на Colour Management-от во Adobe Photoshop.
Темите за кои ќе се дискутираме се следниве:
• Природа на светлината
• Бојата како феномен
• Човековиот визуелен систем
• Уреди за репродукција на боја
• Системи за боја
• Колор таргети, калибрација, корекција, профилирање
• Колор менаџмент
• Туториал: Колор менаџмент во Photoshop, подготовка за печатење и инструкции за печатење на минилаб
Ве очекувам во недела, на 3 август 2008, во 11 часот во просториите на „Лоја" во Тетово.

Срдечен поздрав,

Давор Спасоски