Изложбата претставува активен израз на љубовта кон фотографијата на членовите на „ЕЛЕМА“ и oдлучен став за продолжување на една значајна традиција на годишно изложување на дел од своите уметнички дела. Членовите на Клубот активно учествуваат на сите домашни и повеќето меѓународни изложби на фотографии, под покровителство на Светската фотографска асоцијација (FIAP) и се носители на значајни награди и признанија.

Изложбата претставува и заокружување на успешната фотографска година, во која Фото клуб „Елема“ заедно со Фото сојуз на Македонија ги организираше претставувањето на колекцијата „Современа македонска фотографија“ во јуни месец во Чачак, Србија, која од домашната еминентна фотографска критика беше оценета со највисоки оценки и редовната годишна изложба „Денови на македонската фотографија 2007“ во месец октомври во Скопје,

Конечно, изложбата претставува и најава на престижната меѓународна изложба „Фотомедија 2008“, која со своите десет изданија успеа да стекне висок интернационален углед и котира меѓу 10-те најпрестижни изложби на фотографија во светската фотографска уметност. Одржувањето на оваа значајна манифестација се планира во месец ноември 2008 г.

Претседател на ФК „ЕЛЕМА“
Дарко Петровски

















Изложбата на ЕЛЕМА во новоуредената галерија на КИЦ навистина беше cool. Етаблирани фотографи, големи формати, trendy inkjet prints, прекрасен изложбен простор, богат каталог, луѓе...
А фотографијата?... За неа другпат.



Со честитики од Чкрап!, довидување до ЕЛЕМА 2009!