Ете, бидна и изложбата.

Можеби најдобрата досега што ја имаше нашиот фотоклуб. Како што слушнавме од посетителите, колегите фотографи, претседателот на Фото сојузот на Македонија, претседателите на старите и нови фотоклубови кај нас, кои што беа на отворањето, Фотокино клубот ТЕТОВО - Чкрап! навистина прикажа добри фотографии на добро организирана изложба (благодарност до МАЦ - Лоја од Тетово).

23 фотографи од Чкрап! на публиката и покажаа дел од своите фотографии направени годинава (а некои и порано), вкупно 57 фотографии.

На годинашнава изложба 5 фотографи - нови членови првпат излагаа фотографии на Чкрап!

На Ѓорѓи Ристоски, еден од најдобрите фотографи во Чкрап!, му беше доделена диплома за стекнато звање - Фотограф втора класа, за постигнатите успеси во фортографијата (учество на изложби и освоени награди во Македонија и странство).







Убаво.

Им благодариме на сите што не поддржаа и што го поделија овој убав фотографски настан со нас од Чкрап!