Да се фотографира или не?
На прв поглед многу чудно, дури и неприродно прашање за еден фотограф. Згора на тоа хамлетовската дилема јавно е поставена на блогот посветен на фотографијата.
Но, работите не се никогаш такви како што изгледаат на прв поглед, па така е и во овој случај. Фотографите многу често си го поставуваат ова прашање. Од различни побуди, се разбира. Некои од нив нема да го притиснат чкрапалото на фото апаратот ако не се 100% сигурни дека “имаат“ добра фотографија. Други пак, снимаат, но не се сигурни да ли фотографиите да ги покажат и изнесат пред судот на јавноста, да ли затоа што не се сигурни во кавалитетот или пак поради содржината на фотографиите, сеедно. На трети, пак, секогаш нешто им фали. Дел од фотографската опрема, добро светло, модел, или... “инспирација“.
Од друга страна, пак, фотографијата може да се ужива на милион други начини, но понекогаш како да забораваме дека само кога фотографираме целосно сме во нашиот (фотографски) “елемент“ и тогаш возбудата е најголема...
Фотографи од сите земји, разбудете се!